،،،، وقت العتب،،،،

كل ما اجيك أو كل ما انته تجيني
خايف أفقد شعوري لا شعورياً
دام وقت العتب ما بينك و بيني
إحفظه لان انا مشغول حالياَ

إبتسم لي لاجل ترجع لي سنيني
رشفة الحب خيري قال علمياً
بَانبضك نبض قلبي في شراييني
كنّه موجز خبر عاجل و حصرياً

ليش تهدي جروحي بالسكاكينِ
كل ما اقول وش بك قلت عفوياً
بالعقل ما يجوز اموت و تحييني
صعب أحيا عقب ما اموت عقلياً

غير شِعري عن وصالك يكفيني
مثل صوتك على الهاتف سماعياً
إنت شهدي و دواي اللي يداويني
شرط يوخذ ثلاث مرات يومياً

دايم أبيّن حروفك و لا تبينِ
ودّي إنها على الشاشات رسمياً
يوم تاريخ هجرانك يخليني
بالهوى أقلب الميلاد هجرياً

و الشعر أشبه بلعبه على ايديني
اكتبه كل ما أبغي دوم فورياً
لو تريد اكتبه حاضر و من عيني
تبغي عطره رجالي أو نسائياً

كل ما اجيك أو كل ما انته تجيني
تبري جروحي و ارتاح نفسياً