،،،،،،،. يابو فهد،،،،،،

يا بو فهد يا عِزوتي سافَر الشوق
يا بو فهد عُقبه جروحي عطيبه
يا بو فهد ملَّيت من دشِّة السَّوق
يا بو فهد عُقب الغضي وِش نبي به
يا بو فهد و النَّفسِ ما تقبل الذوق
يا بو فهد هاذي علينا صعيبه
يا بو فهد ما لي معَ النَّاس معشوق
يا بو فهد بَدرَي سِتَر في مغيبه
يا بو فهد زين التغازيل غرنوق
يا بو فهد بالشَّين ما ينحِكي به
يا بو فهد ما فيه كِبرٍ و لا موق
يا بو فهد عقلٍ و نفسٍ حبيبه
يا بو فهد وش رايك القلب محروق
يا بو فهد فرقى الولايف مصيبه