بحق الحبًًًًًًًًًًًً،،،،،،،،،،،،،

بحق الحب سيري يا حمامه
لطيف الروح و هاتي لي كلامه
و ودي له تحيات الموده
على الطاير و هاتي لي سلامه
و قولي له ترى هجره سطى بي
و في قلبي من الهجران شامه
و انا اللي في هواه اتعبت روحي
و من شانه تعرضت الملامه
نسى عهد الموده و التصابي
علامه يا حمامه هو علامه
و انا والله ما انسى اللي مضى لي
و لا انسى اللي غرامي من غرامه
دهاني ما دهى مجنون ليلى
على فرقاه صابتني ندامه
رعى الله من سقاني من وداده
بصوت الوجد نوحي يا حمامه